Pala amenθe

O Komiteto vaś o Amboldipen la Bibliaqo and-i Rromani Ćhib Standard kerel buki kethanes le Wycliffe Rumunia, SIL International haj aver partenerença, kaś te kerel pes o amboldipen haj te anel pes and-e rromane komuniteturǎ andar e Rumunia e Svunto Skriptura save si amboldini kathe.
Ol vakǎrimata kaj sas pala o tradinipen le projektosqe haj save si lesqe tradinimata, ingerde k-o jekh korkorro alosaripen lino katar ol savorre partenerǎ, kaj e Biblia te avel amboldini and-i rromani ćhib standard, e ćhib kaj sikavel pes and-ol śkole katar savorre ćhave rroma andar i Rumunia thaj aver thema. Das pakiv tumare magimata andar o projekto Roma, prinʒarindoj amaro phanglipen le Devleça andar kadaja bari buki. Thaj kadja, mangas tumen te den vast lovença andar kadaja bari buki.

Anglal dikhipen, amari buki, skopurǎ haj objektivurǎ

a. Anglal dikhipen: O Lav le Devlesqo vaś savorre rroma (O vazdipen le rromane komuniteturenqo panda e Biblia and-i Rromani Ćhib)

b. Amari buki: TBRS si kaś te amboldel i Biblia and-i Rromani Ćhib Standard haj te del vast e rromane komuniteturenqe te aven len akćeso k-e Svunto Skriptura vaś lenqo vazdipen.

c. Skopurǎ:

Sasteveste familie, vazdine pala ol molisarimata haj xakǎrimata biblikane;
Ʒuvinde khangerǎ, vazdine p-ol ćaće biblikane pakǎjmata;
Komuniteturǎ zorale and-o devlikane riga, phiravimata maśkar ol manuśa, ekonomikano haj sikavipnasqo plano;
O prinʒaripen haj laćho sikaviepn la Rromani Ćhibaqe Standard.

d. Objektivurǎ:

O amboldipen le Nevo Testamentesqo and-e paś deś berśa haj o sasto amboldipen la bibliaqo and-e paś biś berś;
O keripen la aśunimasqo biblia;
E Biblia online xramosardi haj aśundi (haj vi imaginurença);
O filmos „Isus” (vaj aver filmurǎ) and-i Rromani Ćhib Standard;
O barǎripen e biblikane bukǎnqo andar ol ćhave haj bare manuśa (gilǎ, sikavimata biblike, thaj aver);
O barǎripen savaxtutno le manuśenqo kaj ʒanen te xramosaren haj te drabaren.

Politika konfidencialitaqi